Heimild: Fréttablaðið
Mál Gylfa Þórs Sigurðssonar er komið inn á borð Saksóknaraembættis bresku krúnunnar en Fréttablaðið greinir frá.
Gylfi var handtekinn í júlí 2021, grunaður um kynferðisbrot gegn ólögráða einstaklingi. Rannsókn í málinu er nú loks lokið.
Gylfi var handtekinn í júlí 2021, grunaður um kynferðisbrot gegn ólögráða einstaklingi. Rannsókn í málinu er nú loks lokið.
Saksóknaraembættið fékk gögnin í hendurnar frá lögreglunni þann 31. janúar síðastliðinn „í kjölfar rannsóknar hennar á ásökunum um ítrekuð kynferðisbrot", eins og segir í svari embættisins við fyrirspurn Fréttablaðsins.
Það er nú í höndum saksóknaraembættisins að ákvarða næstu skref, hvort ákært verði í málinu eða það fellt niður en enginn tímarammi er á því hvenær sú ákvörðun verður tekin.
Gylfi hefur verið laus gegn tryggingu frá því skömmu eftir handtöku þann 16 júlí á síðasta ári og hefur það fyrirkomulag verið framlengt nokkrum sinnum.
Gylfi, sem er 33 ára, lék 78 landsleiki fyrir Ísland á árunum 2010-2020. Hann var samningsbundinn Everton þegar hann var handtekinn en samningur hans við félagið rann út á síðasta ári.
Athugasemdir