Enn möguleiki á að Leicester lendi í stigafrádrætti

Leicester er þó ekki hólpið því nú skoðar enska úrvalsdeildin hvort félagið hafi eytt of miklu á árunum 2021-24.

Forráðamenn Leicester eru sagðir sannfærðir um að þeir hafi ekki brotið reglur. Bókhaldið lagaðist mikið þegar Kiernan Dewsbury-Hall var seldur til Chelsea fyrir 30 milljónir punda en hann skráist sem uppalinn leikmaður og því sem hreinn hagnaður. Þá fékk Leicester 30 milljónir í bætur frá Chelsea fyrir stjórann Enzo Maresca.

Ensk úrvalsdeildarfélög mega samkvæmt reglum ekki tapa meira en 105 milljónum punda yfir þriggja ára tímabili en sá þröskuldur er lækkaður um 22 milljónir punda fyrir hvert tímabil sem félag hefur verið í Championship, sem þýðir að leyfilegt tap Leicester er 83 milljónir punda.