Það er aðeins að birta til hjá Thierry Henry og lærisveinum hans. Þeir hafa nú unnið tvo af síðustu þremur leikjum og eru komnir upp í 17. sæti í deildinni.

Mónakó er með 13 stig, eins og Rúnar Alex Rúnarsson og félagar í Dijon sem eiga mikilvæga botnbaráttuslag gegn Guingamp í kvöld.

Mario Balotelli var í byrjunarliði Nice í gær en var tekinn af velli á 65. mínútu í markalausu jafntefli gegn Angers. Balotelli hegðaði sér vel þegar hann var tekinn af velli, öfugt við í leiknum um síðustu helgi. Nice er í sjöunda sæti.

Paris Saint-Germain heimsækir Strasbourg í kvöld en ef PSG vinnur nær liðið 16 stiga forystu í deildinni.