Spænski hægri vængmaðurinn Joaquin, sem verður 41 árs eftir tvær vikur, framlengdi í dag samning sinn við Real Betis um eitt ár.
Joaquin er uppalinn hjá Betis og vann spænska konungsbikarinn í annað sinn með félaginu á síðasta tímabili.
Spánverjinn spilaði upp alla yngri flokka hjá Betis áður en hann gekk upp í aðalliðið árið 2000.
Hann spilaði með liðinu til 2006 áður en hann var seldur til Valencia, þar sem hann lék í fimm ár. Joaquin spilaði með Malaga og Fiorentina áður en hann hélt aftur heim til Betis fyrir sjö árum.
Verki hans hjá Betis er hvergi nærri lokið, en hann framlengdi í dag samning sinn við félagið út tímabilið.
Það er alveg óhætt að segja að hann blæðir mikið fyrir félagið, því hann fjárfesti 1,1 milljón evra í Betis sem semsvarar tveggja prósenta hlut fyrir hartnær fimm árum síðan.
Athugasemdir