Oliver Kahn, framkvæmdastjóri Bayern München, segist mikill aðdáandi Cristiano Ronaldo, en að það sé ekki í plönunum að fá hann til félagsins frá Manchester United.
Ronaldo er farinn að hugsa sér til hreyfings en hann hefur ekki mætt á æfingar með United síðustu þrjá daga.
Hann hefur beðið félagið um að samþykkja sanngjörn tilboð í sig í sumarglugganum þar sem hann vill spila í Meistaradeild Evrópu á næstu leiktíð.
United vill ekki losa sig við hann í sumar og á leikmaðurinn ár eftir af samningi sínum og telur að leikmaðurinn eigi að virða gerða samninga.
Undirbúningstímabilið er farið af stað og mun liðið ferðast til Taílands og Ástralíu á næstu dögum en ekki er ljóst hvort Ronaldo fari með liðinu.
Þýska félagið Bayern München er eitt af mörgum félögum eru sögð hafa áhuga á Ronaldo en Kahn segir að leikmaðurinn passi einfaldlega ekki inn í hugmyndafræði félagsins.
„Eins mikið og ég kann að meta Cristiano Ronaldo sem einn af þeim bestu í sögunni, þá bara passa þessi félagaskipti ekki inn í hugmyndafræði Bayern," sagði Kahn við þýska miðilinnKicker.
Athugasemdir