Klukkan 19:00 hefst viðureign Portúgal og Sviss í 16-liða úrslitunum á HM. Það er síðasti leikurinn á þessu stigi keppninnar og hefjast 8-liða úrslitin á föstudag.
Samkvæmt portúgölskum fjölmiðlum mun Cristiano Ronaldo ekki vera í liði Portúgals í byrjun leiks heldur byrja leikinn á bekknum. Ronaldo er fyrirliði liðsins og hefur byrjað fyrstu þrjá leiki Portúgals í mótinu.
Samkvæmt portúgölskum fjölmiðlum mun Cristiano Ronaldo ekki vera í liði Portúgals í byrjun leiks heldur byrja leikinn á bekknum. Ronaldo er fyrirliði liðsins og hefur byrjað fyrstu þrjá leiki Portúgals í mótinu.
Portúgalska þjóðin hefur kallað eftir því að Ronaldo fari á bekkinn þar sem talið er að liðið sé betra án hans. Þá var Fernando Santos, þjálfari liðsins, óánægður með viðbrögð Ronaldo þegar hann var tekinn af velli gegn Suður-Kóreu í lokaleik riðlakeppninnar.
Record segir að Goncalo Ramos, framherji Benfica, komi inn í liðið. Byrjunarliðin verða opinberuð eftir rúmlega hálftíma.
Sjá einnig:
Þjálfari Portúgals ósáttur við viðbrögð Ronaldo þegar hann var tekinn af velli
