Arsenal hyggst stækka Emirates leikvanginn í náinni framtíð og ætla sér að fjölga sætum úr tæpum 61 þúsund sætum í yfir 70 þúsund, Telegraph greinir frá áformum félagsins.
Skyldi liðið fjölga sætunum í yfir 70 þúsund verður Emirates næst stærsti völlurinn í úrvalsdeildinni rétt á eftir Old Trafford sem tekur tæplega 75 þúsund manns í sæti.
Ef ráðist verður í breytingarnar mun liðið leika á Wembley leikvanginum, rétt eins og grannar þeirra í Tottenham gerðu um árið er þeir stóðu í framkvæmdum á sínum nýja velli.
Emirates var vígður árið 2006, þar áður lék liðið á Highbury en forsendur stækkunarinnar er aukinn gróði á leikdegi.
Arsenal hefur ekki tjáð sig um málið en Telegraph, sem greinir frá fyrirhuguðum áformum liðsins, segir þó öruggar heimildir liggja að baki.
