Fótbolti.net

Guðrún sendir skýr skilaboð fyrir heimaleikina

Katla: Er alltaf að segja henni að koma og spila með íslenska landsliðinu

Sölvi Geir: Skotmarkið á okkur er stærra og við þurfum að gera meira

Arna Eiríks klár í slaginn: Ekki alveg þessi týpísku meiðsli

Gísli Eyjólfs: Hefði verið rómantík að fá að enda ferlana saman

Spáin kom Sigga á óvart: Eina sem þetta gerir er að henda bensíni á klúbbinn

Haraldur Freyr: Ætlum að ná í sigur í Frostaskjóli

Jói Kalli: Spurning hvort það verði Landeyjahöfn eða Þorlákshöfn

Ísak nýr fyrirliði FH: Var einn af þeim yngri en orðinn einn sá elsti

Kosinn bestur fyrir mót - „Stoltur og pínu kitl að leikmenn kjósi mann"

Hemmi segist elska Brazell - „Alltaf eitthvað blaður og bull“

Álitið - Hver fer í agabann?

Þrjú slit og fimm aðgerðir á milli marka - „Maður er svolítið eins og krakki aftur"

Bestur í Mjólkurbikarnum: Ferðalagið viðbjóður en er enginn sjómaður

Fer yfir leikinn sögulega - „Veit ekki hvað Jói Kalli hefði gert væri hann þarna“

Álitið - Hvað mun koma mest á óvart?

Ægir Jarl ræðir heimkomuna - „Kitlar rosalega að ná að spila“

Gunnar Már: Ætlum okkur stóra hluti í sumar

Arnór Ingvi: Hefðum viljað spila á Meistaravöllum og fá smjörþefinn af því sem koma skal

Óskar Hrafn: Leggst yfir okkur hræðsla sem við höfum ekki fundið fyrir í vetur

fim 08. ágúst 2024 21:16

Guðmundur Aðalsteinn Ásgeirsson
Víkingsvelli

Arnar Gunnlaugs: Þetta er alltaf sama gamla sagan

Arnar Gunnlaugsson, þjálfari Víkinga.

Mynd: Fótbolti.net - Hafliði Breiðfjörð

„Ef maður vissi svarið við því maður," sagði Arnar Gunnlaugsson, þjálfari Víkinga, er hann var spurður að því hvernig Víkingar fóru að því að vinna ekki leik sinn gegn Flora Tallinn frá Eistlandi í forkeppni Sambandsdeildarinnar í kvöld.

Leikurinn endaði með 1-1 jafntefli þó yfirburðir Víkinga hefðu verið miklir.

Lestu um leikinn: Víkingur R. 1 - 1 Flora Tallinn

„Við reyndum hvað við gátum. Eins og ég talaði um við þig í gær þá kosta mistökin í Evrópu dýrt. Ég á eftir að sjá þeirra mark aftur, víti eða ekki víti. Ingvar var að tala um að þetta hefði ekki verið víti. Mér fannst við bregðast ágætlega við því og við jöfnum leikinn."

„Í seinni hálfleik var þetta erfitt. Maður fann að strákarnir vildu þetta mikið, þeir vildu mikið skora og stundum vildu þeir skora tvö mörk í hverri einustu sókn. Við fengum færin. Mögulega var langt á milli færa hjá okkur en við náðum að halda þrýstingnum á þá. Ég missti töluna á fjölda fyrirgjafa sem við áttum í leiknum. Það sýnir kannski að það vantaði smá Niko (Nikolaj Hansen) og nærveru í teignum til að nýta þessar góðu fyrirgjafir."

„Þeir buðu okkur upp á algjöran dans í fyrirgjöfunum," sagði Arnar en hann talaði jafnframt um að það vantaði á köflum að spila betur í gegnum 4-4-2 kerfið hjá eistneska liðinu.

Seinni leikurinn í Eistlandi er í næstu viku. Þar er að duga eða drepast.

„Við þurfum ekki að fara til Eistland og vera hræddir. Við förum með kassann út. Þetta er alltaf sama gamla sagan. Við þurfum að halda aga og einbeitingu úti. Ein mistök og þú ert úr leik."

„Mér fannst fyrir einvígið að ef við eigum tvo toppleiki, þá værum við komnir í gegn. Það er ekki spurning. Ég trúi því ekki að þeir fari aftur í lágblokkina. Mögulega, Shamrock gerði það líka. Strákarnir eiga að líta á það sem hrós - hversu langt við erum komnir - að sjá hversu langt lið leggjast niður á móti okkur. Það er okkar að finna lausnir, sama hversu erfitt það er," sagði þjálfari Víkinga en allt viðtalið má sjá í spilaranum hér að ofan.