Elska Guardiola sem þjálfara en ekki sem manneskju
Samuel Eto'o og Pep Guardiola unnu saman hjá Barcelona fyrir rúmum áratugi síðan. Eto'o vann einnig með Jose Mourinho. Eto'o var í Katar á viðburði sem sendiherra og þar tjáði hann sig um stjóra sem hann hafði á ferlinum.
Eto'o og Guardiola kom ekki alltaf vel saman en Eto'o er ekkert sérstaklega hrifinn af persónunni sem Guardiola er, hann elskar hann samt sem þjálfara.
Sjá einnig:Eto'o: Var minn tími - Guardiola bað mig afsökunar
Eto'o og Guardiola kom ekki alltaf vel saman en Eto'o er ekkert sérstaklega hrifinn af persónunni sem Guardiola er, hann elskar hann samt sem þjálfara.
Sjá einnig:Eto'o: Var minn tími - Guardiola bað mig afsökunar
„Ég elska Pep sem þjálfara en ekki sem persónu. Ég lærði hvernig á að spila fótbolta af honum og fylgdi eftir því sem hann sagði mér."
„Mourinho setti mig á bekkinn í mánuð og lét mig hita upp í uppbótartíma. Þetta var einhver leikur hjá honum til að ná mér á sitt vald. Við ræddum svo málin á skrifstofunni. Hann vildi sjá meira frá mér og það tókst. Við unnum allt og vorum lið af ellefu stríðsmönnum."
Eto'o átti að velja besta þjálfarann sem þjálfaði sig á ferlinum. Hann valdi Luis Aragones sem þjálfaði hann hjá Mallorca á Spáni.
„Allir sem þjálfuðu mig voru með sín einkenni. Ef ég þarf að velja einn þá er það Luis. Hann þjálfaði mig hjá Mallorca, samtal við hann á skrifstofunni þar breytti lífi mínu. Hann sagði mér að ég hefði afrekað allt sem ég gæti hjá félaginu og sagði mér að fara til annars félags til að ná lengra á ferlinum. Á þeim tímapunkti hugsaði ég; hvað er þessi gamli maður að segja?"
„Luis var eins og faðir fyrir mig. Það væri sannur heiður að vera þjálfari eins og hann."
Eto'o lagði skóna á hilluna í haust og er nú sendiherra á vegum HM2022 í Katar.
Athugasemdir