Southgate valdi sex bakverði í upprunalega landsliðshópinn en Trent Alexander-Arnold meiddist í fyrsta vináttuleik og neyddist til að draga sig úr hópnum.

Enskir miðlar hafa mikið pælt í mögulegu byrjunarlið Englands gegn Króatíu en Telegraph spáir því að Southgate komi til með að byrja með fjóra bakverði.

Harry Maguire er meiddur og missir af leiknum gegn Króatíu en hann mun að öllum líkindum spila 3-4-3. Kyle Walker og John Stones verða í þriggja manna varnarlínunni og þá er Southgate að íhuga að hafa Luke Shaw með þeim.

Ben Chilwell mun þá spila vinstri vængbakvarðarstöðuna en hægra megin verður valið á milli Reece James og Kieran Trippier.

Þetta leikkerfi spilaði Southgate síðasta haust í Þjóðadeildinni en skipti yfir í 4-2-3-1 í landsleikjunum í mars.