Manchester City slátraði Burton Albion 9-0 í fyrri undanúrslitaleik þessara liða í enska deildabikarnum í gærkvöldi en leikurinn fór fram á Etihad-leikvanginum í Manchester.
34 rútur með stuðningsmönnum Burton töfðust á M6 hraðbrautinni á leiðinni á völlinn í gær. Hluti af M6 brautarinnar var lokuð um stund.
Einhverjar rútur komust á völlinn áður en að leikurinn hófst á meðan aðrar rútur voru seinar sem varð til þess að stuðningsmenn liðsins sáu ekki allan leikinn.
Emily, grjótharður stuðningsmaður Burton fór á sínum eigin bíl en hún lagði af stað klukkan 13:00 í gær. Umferðateppan varð til þess að hún var átta klukkutíma á leiðinni og missti því af fyrstu átta mörkum Manchester City í leiknum. Hún sá síðasta mark leiksins sem að Riyad Mahrez skoraði.
„Þetta var svolítið löng leið fyrir korter af fótbolta. Ég sat föst í fjóra klukkutíma en ég ákvað að snúa ekki við. Ég ætlaði að sjá þennan leik, sama þó að það yrði bara endaspretturinn," sagði Emily.
An eight-hour journey… for 15 minutes of football.
— BBC Sport (@BBCSport) January 10, 2019
Spare a thought for these fans👇https://t.co/Wgtf1BercF pic.twitter.com/lIpnL8vJZJ
Athugasemdir
