Argentínski miðjumaðurinn Alexis Mac Allister mun taka ákvörðun um framtíð sína eftir tímabilið en hann er með samningstilboð í höndunum frá enska úrvalsdeildarfélaginu Liverpool.
Mac Allister er 24 ára gamall miðjumaður sem hefur verið að gera það gott með Brighton.
Hann varð heimsmeistari með argentínska landsliðinu í desember og er nú tilbúinn að taka næsta skref ferilsins.
Manchester United, Manchester City og Liverpool hafa öll sýnt því áhuga á að fá hann en Liverpool er talið leiða baráttuna.
Blaðamaðurinn Cesar Luis Merlo segir að Carlos Mac Allister, faðir og umboðsmaður Alexis, sé með fimm ára samningstilboð í höndunum frá Liverpool.
Leikmaðurinn mun þó ekki taka ákvörðun um framtíð sína fyrr en tímabilinu lýkur í lok mánaðarins.
Talið er að hann sé falur fyrir um 70 milljónir punda eins og liðsfélagi hans, Moises Caicedo.
Athugasemdir