„Ég er kátur með stigin og miklu kátari með hugarfarið og frammistöðuna, mér fannst hún stórkostleg." sagði Jökull Elísabetarson þjálfari Stjörnunnar eftir 4-2 sigurinn á Víking í Bestu deild karla í kvöld.
Lestu um leikinn: Víkingur R. 2 - 4 Stjarnan
„Mér fannst Víkingarnir sterkari fyrsta korterið, komu mjög kraftmiklir inn eins og við áttum von á og við þurftum að standa það af okkur og við gerðum það og eftir þetta jafnaðist þetta og mér fannst við bara sterkari aðilinn og við áttum skilið að vinna þannig ég er mjög ánægður."
„Mér fannst við fara með verðskuldað forskot inn í hálfleikinn og seinni hálfleikurinn var eins og hann var en mér fannst við bara sterkir og hugarfarið var frábært."
jökull Elísabetarson var allt annað en sáttur með dómgæsluna í Víkinni í kvöld.
„Mér fannst ekkert samræmi. Mér fannst hún bara glórulaus. Ég skil ekki alveg hvað gerðist þarna og gulu spjöldin sem við fengum var ekki í neinum takti við leikinn. Það var ekki dæmt ein bakhrinding í fyrri hálfleik þrátt fyrir mjög augljósar bakhrindingart útum allan völl og svo kemur ein bakhrinding og þá er víti og rautt og ég á eftir að sjá hvort hann hafi verið inn í teig eða ekki."
„Ef það er bakhrinding þá er ég alveg sammála því en þá vill ég bara fá það sama hinumegin svo er annað víti þar sem að boltinn er bara búin að fara af auglýsingaskiltinu þegar hann dæmir það og ég bara skil ekki neitt annað en það Víkingar fá að kalla dómara svindlara og tala um að það sér herferð gegn félaginu og aganefndin gerir ekki neitt og auðvitað verður þetta þá svona og hrós til þeirra að vera búnir að átta sig á þessum veikleika í kerfinu. Dómarar eru mannlegir og ég held að enginn af þeim vilja fara af vellinum og eiga þá von að vera kallaðir svindlarar og óheiðarlegir og að því leiti er þetta bara eðlilegt."
