Pjanic kom til Juventus frá Roma árið 2016 en hann hefur spilað yfir 150 leiki fyrir félagið og unnið deildina þrisvar sinnum.

Þá hefur hann öll árin verið í liði ársins á Ítalíu en Gigli, sem var forseti Juventus frá 2006 til 2009, er á því að PJanic sé veiki hlekkurinn í liðinu.

Juventus er á toppnum ásamt Inter en Gigli segir að það verði að leysa vandamálin á miðjunni.

„Erfiðleikarnir á miðjunni eru andlegir. Pjanic virðist jafn mjúkur og mozzarella ostur," sagði Gigli við Radio Sportiva.

„Hann virkar þreyttur og þarf líklega á hvíld að halda. Það verður að leysa vandamálin á miðjunni," sagði hann í lokin.