„Hvernig líður mér? Ég er auðvitað fúll með að tapa leiknum en annars líður mér ágætlega. Við gerðum bara ekki alveg nóg. Liðið var slakkt í fyrri hálfleik, það var lítið tempó og ekki það sem hefur einkennt okkur í sumar." sagði Ólafur Kristjánsson þjálfari Þróttar en liðið er úr leik í Mjólkubikarnum eftir tap gegn Val 2-1 í átta liða úrslitum bikarsins.
Lestu um leikinn: Valur 2 - 1 Þróttur R.
„Seinni hálfleikurinn var mun skárri en svona er þetta oft, við nýttum ekki færin og svo kemur skyndiupphlaup í restina þegar mér fannst við vera með góð tök á leiknum og þær settu okkur í erfiða stöðu en sólin kemur upp á morgun og það eru fleiri verkefni framundan."
Þróttarar gerðu frábærlega í síðari hálfleiknum og náðu að jafna leikinn en náðu ekki að gera útum leikinn þrátt fyrir nokkur frábær færi til þess.
„Það voru náttúrulega tvö lið á vellinum en ég veit hvað þú átt við en þegar mér fannst við vera komnar með góð tök á leiknum og erum að þrísta að þá lúrir skyndiupphlaup sem mér fannst reyndar vera mjög langt í hjá Valsliðinu en svona er þetta stundum."
Nánar var rætt við Ólaf Kristjánsson þjálfara Þróttar í spilaranum hér að ofan.
