John van den Brom, þjálfari Lech, verður eflaust valtur í sessi ef hans menn klára þetta ekki en hann hefur verið gagnrýndur í Póllandi fyrir það að ná ekki nægilega vel til liðsins.

Pólski fjölmiðlamaðurinn Marek Wawrzynowski birti athyglisvert tíst á meðan fyrri hálfleikurinn var í gangi.

„Ef íslenski þjálfarinn væri að stýra Lech þá væru þeir örugglega að vinna þetta einvígi með tveggja stafa tölu. Íslendingarnir eru vel skipulagðir og líta mjög vel út, en ég veit ekki hvað Lech er að reyna að gera. Lech hefur samt fram yfir íslenska liðið að vera með meiri einstaklingsgæði," skrifar hann.

Hann er nú að vanmeta þau gæði sem leikmenn Víkinga búa yfir, en það verður ekki tekið af Arnari að hann hefur náð stórkostlegum árangri með Víkinga og er virkilega fær þjálfari. Hann hefur byggt upp sterkt lið sem varð bæði Íslands- og bikarmeistari á síðustu leiktíð. Núna verður fróðlegt að sjá hvort Víkingar komi til baka í seinni hálfleiknum.

Tweet

Senda a Facebook Hafdu samband Senda frétt Prenta frétt Frétta leit