Lestu um leikinn: Frakkland 2 -  2 Ísland

Ísland var tveimur mörkum yfir þar til undir lokin, þegar Kylian Mbappe skipti um gír og átti stóran þátt í að bjarga jafntefli fyrir heimsmeistarana.

„Við náðum einhvern veginn að klúðra þessu niður en svona heilt yfir fannst mér við spila þokkalega vel. Við þurftum að stíga til baka eftir síðustu tvo leiki, við vorum komnir á botninn og þurftum að spyrna okkur upp, sem við gerðum," sagði Arnór við Fótbolta.net.

Arnór hefur trú á því að landsliðið geti lagt Sviss að velli í næsta leik í Þjóðadeildinni þrátt fyrir 6-0 tap ytra. Þá segir hann ekki vera sérlega mikinn mun á hersluatriðum með komu nýs landsliðsþjálfara.

„Við getum alveg unnið Sviss, en við þurfum að eiga góðan leik."