Tindastóll hafði 5-2 sigur á FHL í leik þeirra föllnu í neðri hlutanum í Bestu deild kvenna í dag, en þetta var síðasti leikur beggja liða á tímabilinu.

Bæði lið voru fallin fyrir þessa umferð en voru bæði staðráðin í að klára tímabilið með sæmd.

Stólarnir náðu tveggja marka forystu á fjórum mínútum í byrjun leiksins. Elísa Bríet Björnsdóttir skoraði á 8. mínútu er hún fékk boltann á fjær og kláraði færið áður en NIcola Hauk bætti við öðru með skalla eftir hornspyrnu.

FHL þurfti aðeins fimm mínútur til að komast aftur inn í leikinn. Christa Björg Andrésdóttir potaði boltanum í netið eftir hornspyrnu á 24. mínútu og jafnaði Calliste Brookshire metin er hún komst ein í gegn, fór framhjá Genevieve Crenshaw og lagði boltann í autt netið.

Tindastóll náði aftur tökum á leiknum. María Dögg Jóhannesdóttir kom heimakonum yfir á 39. mínútu með skalla eftir aukaspyrnu frá Elísu.

Elísa var að eiga stórleik með Stólunum, en hún skoraði annað mark sitt í leiknum þegar tæpar þrjár mínútur voru liðnar af síðari hálfleiknum með hörkuskoti í þaknetið eftir undirbúning frá Hauk.

Tuttugu mínútum síðar útilokuðu Stólarnir mögulega endurkomu FHL með því að koma forystunni í þrjú mörk. Isabelle Rose Gilmore varð fyrir því óláni að stýra fyrirgjöf í eigið net.

Stólarnir kláruðu þetta örugglega í seinni hálfleik og ljúka tímabilinu með sigri. Tindastóll hafnaði í næst neðsta sæti með 21 stig en FHL í neðsta sæti með aðeins 4 stig.