Jóhannes Karl: Þurfum sigur á móti Víking

„Fyrri hálfleikur var vonbrigði, þannig séð heppnar að fara 1-0 í hálfleik. Seinni hálfleik stigum við aðeins upp. Þróttarar eru sterkir og góðar tilbaka, náðu að loka á okkar sóknaraðgerðir. Heilt yfir mjög lokaður leikur".

Stjarnan skoraði mark en það var flaggað og rangstæða dæmd.

„Væri til í að sjá aftur þegar við skoruðum í fyrri hálfleik. Virkaði virkilega tæpt og góð sókn, en svona er fótboltinn".

Liðið hefur verið að spila virkilega vel og situr í fjórða sæti þegar einn leikur er eftir.

„Liðið er vel stemt. Við komum inn í þessa úrslita keppni búnar að spila vel. Fótbolti er miklu skemmtilegri þegar gengur vel og fólk leggur sig fram. Mikil samkeppni í liðinu, þannig heilt yfir held ég að hópurinn mótíveri sig sjálfur".

„Síðan er líka bara stoltið í þessu, við erum að berjast um 4,5 og 6 sætið. Erum í fjórða og viljum halda því, þá þurfum við sigur á móti Víking í síðasta leik. Þannig við höldum áfram og látum þessa leiki skipta máli".

Viðtalið í heild sinni má sjá í spilaranum hér að ofan