Miguel Ángel Russo.
Argentíski þjálfarinn Miguel Ángel Russo er látinn 69 ára að aldri, eftir áralanga baráttu við krabbamein. En hann greindist með krabbamein í blöðruhálskirtli fyrir átta árum.
Russo tók við störfum hjá Boca Juniors í þriðja sinn í júní og stýrði liðinu þar til í lok september þar til að hann fór í veikindaleyfi.
Þjálfarinn kom víða við á ferli sínum en ásamt Boca stýrði hann níu öðrum liðum í Argentínu ásamt því að stýra Al Nassr fyrir þremur árum.
Í tilkynningu Boca segir að stjórinn muni skilja eftir sig ómetanleg spor í sögu félagsins og að hann verði alltaf fyrirmynd gleði, hlýju og alúðar.
Edinson Cavani sem nú leikur með félaginu minnist hans jafnramt á samfélagsmiðlum sínum og segir Russo hafa kennt honum hvað hugrekki er.
Athugasemdir
