Íhugaði að hætta eftir að veist var að fjölskyldu hans

Anthony Taylor, einn besti dómari Englands, íhugaði að leggja flautuna á hilluna eftir að veist var að honum og fjölskyldu hans á flugvellinum í Búdapest 2023.

Bálreiðir stuðningsmenn Roma létu öllum illum látum á flugvellinum en Taylor var nýbúinn að dæma úrslitaleik Roma gegn Sevilla í Evrópudeildinni. Áður hafði Jose Mourinho, þá stjóri Roma, látið Taylor heyra það í bílastæðahúsinu við leikvanginn.

Á flugvellinum var ýmsu lauslegu kastað að Taylor og fjölskyldu hans, þar á meðal stólum. Allt var á suðupunkti og öryggisverðir réðu illa við ástandið.