Hann skráði sig í kvöld í sögubækurnar þegar hann stýrði liðinu í úrslitaleik deildabikarsins. Chelsea hafði betur gegn Tottenham í tveggja leikja einvígi og sannfærandi var það.

Tuchel er fyrsti knattspyrnustjóri í sögu Chelsea til að koma liðinu í úrslitaleik Meistaradeildarinnar, úrslitaleik enska FA-bikarsins og úrslitaleik deildabikarsins. Hann hefur aðeins verið við stjórnvölinn í 350 daga.

„Við verðum að spila betur," sagði Tuchel eftir sigurinn á Spurs í kvöld. Hann vill fá meira frá leikmönnum sínum.

Chelsea mun mæta annað hvort Arsenal eða Liverpool í úrslitaleik deildabikarsins.