Vitali Mykolenko leikmaður Everton og úkraínska landsliðsins meiddist í landsleik Úkraínu gegn Moldóvu í gær en hann mun gangast undir frekari rannsóknir í dag til að sjá hversu alvarleg meiðslin eru.
Mykolenko missti af endasprettinum hjá Everton vegna meiðsla en hann snéri aftur út á völlinn þegar hann spilaði fyrri hálfleikinn í 3-1 tapi gegn Póllandi laugardaginn.
Hann var í byrjunarliðinu þegar Úkraína vann Moldavíu 4-0 í síðasta vináttulandsleik liðsins fyrir EM en hann þurfti að fara af velli eftir hálftíma leik vegna meiðsla.
Eins og fyrr segir mun hann fara í frekari rannsóknir í dag og spurning hvort meiðslin muni hafa áhrif á þátttöku hans á EM.
Athugasemdir