Sara Björk Gunnarsdóttir.
Sara Björk Gunnarsdóttir er ein besta fótboltakona sem Ísland hefur átt, ef ekki sú besta. Hún er allavega sú sigursælasta.
Hún lagði í gær landsliðsskóna á hilluna eftir magnaðan feril þar sem hún fór á öll fjögur stórmótin sem Ísland hefur komist á hingað til.
Sara, sem er 32 ára gömul, átti magnaðan landsliðsferil og er hún leikjahæsta landsliðskonan í sögunni með 145 A-landsleiki. Hún gerði í þeim 45 mörk.
Hún lék sinn fyrsta A-landsleik þegar hún var 16 ára gömul gegn Slóveníu. Hún var lengi vel fyrirliði, en hennar síðasti landsleikur var tapið sorglega gegn Portúgal í október síðastliðnum.
KSÍ hefur birt myndband af hennar fyrsta landsliðsmarki sem kom gegn Írlandi árið 2008. Einnig má sjá hennar síðasta landsliðsmark í myndbandinu en það kom í fyrra gegn Hvíta-Rússlandi. Í þeim leik gerði hún tvennu. Jafnframt var það hennar síðasti leikur á Laugardalsvelli.
???? 145 A landsleikir, 24 mörk, fjögur EM.
— Knattspyrnusambandið (@footballiceland) January 13, 2023
?? Takk fyrir allar minningarnar Sara Björk.
???? It's been some ride @sarabjork18 - thank you for all the memories.#dottir pic.twitter.com/YHbcwfXlh7
Athugasemdir
