Klukkan 15:45 mætast Chelsea og Liverpool í úrslitum enska bikarsins. Liðin áttust við í úrslitum deildabikarsins í febrúar og hafði Liverpool betur þar eftir vítakeppni.

Liverpool á enn möguleika á að vinna þrennuna á þessu tímabili og í raun fernuna en til þess þarf kraftaverk.

Til þess að það gangi upp þá þarf Manchester City að tapa stigum gegn West Ham á sunnudag er liðin eigast við í ensku úrvalsdeildinni. Ef City vinnur þá er titillinn svo gott sem tryggður en City er eins og staðan í dag með þriggja stiga forystu á Liverpool og plús sjö í markatölu á Liverpool.

Tottenham mætir þá Burnley. Tottenham er stigi á eftir Arsenal í Meistaradeildarbaráttunni og mætir Burnley sem berst fyrir lífi sínu í deildinni. Leeds spilar þá við Brighton á Elland Road en Leedsarar eru í fallsæti og þurfa á sigri að halda til að eiga möguleika á að halda sér uppi.

Everton er í sömu stöðu en sigur á Brentford fer langleiðina með að tryggja sæti liðsins í deildinni.

Enski bikarinn - úrslit

Laugardagur:
15:45 Liverpool - Chelsea

Enska úrvalsdeildin

Sunnudagur:
11:00 Tottenham - Burnley
13:00 Aston Villa - Crystal Palace
13:00 Leeds - Brighton
13:00 Watford - Leicester
13:00 West Ham - Man City
13:00 Wolves - Norwich
15:30 Everton - Brentford