Ingimar er tvítugur bakvörður sem kom til KA á síðasta ári frá norska liðinu Viking.

Hann sló í gegn á sínu fyrsta tímabili með KA og var valinn efnilegastur á lokahófi félagsins. Í byrjun ársins framlengdi hann þá við KA út 2025.

Á þessu tímabili hefur hann spilað 12 leiki í Bestu deildinni með KA en aðeins byrjað í fjórum þeirra.

Varnarmaðurinn er nú genginn í raðir FH á láni frá KA út þetta tímabil.

FH-ingar eru í baráttu um Evrópusæti en liðið er í 5. sæti með 28 stig á meðan KA er í 8. sæti með 23 stig.