Fótbolti.net

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

Gylfi vonast til að vera mættur til að vera í landsliðinu - „Vonandi sem lengst“

mið 13. ágúst 2025 22:02

Alexander Tonini

Kalli um mark Úlfu Dísar: Eitthvað sturlað og ekki í fyrsta sinn sem ég sé þetta

Jóhannes Karl Sigursteinsson þjálfari Stjörnunnar

Mynd: Fótbolti.net - Hafliði Breiðfjörð

Stjarnan naut mikils meðbyrs þegar liðið gekk til búningsklefa í hálfleik með 2-1 forystu, sem tryggðist með góðum kafla undir lok fyrri hálfleiks. Í síðari hálfleik náðu Stjörnukonur hins vegar ekki að halda sama dampi og Valur sýndi talsverða yfirburði á Hlíðarenda í kvöld og snéru leiknum sér í vil. Lokatölur urðu 4-2 Val í vil.

„Það er margt til í því, momentið með okkur í hálfleik. Mér fannst við reyndar alveg koma út í seinni hálfleikinn ágætlega fyrstu 5 til 10 en svo bara tekur Valur yfir", sagði Jóhannes Karl þjálfari um leik Stjörnunnar hér í kvöld þegar lið hans beið í lægr haldi 2-4 gegn Val.

Valskonum tókst að jafna leikinn strax á 60. mínutu þegar Jasmín Erla á flotta stungusendingu inn fyrir vörn Stjörnunnar og Jordyn Rhodes að sama skapi tímasetur hlaupið frábærlega og skorar. Það var erfitt að sjá í endursýningu hvort að Jordyn hafi verið rangstæð eður ei, en dómarinn lyfti ekki upp flagginu.

„Mér fannst rangstöðumark, þetta jöfnunarmark, ég á eftir að sjá það aftur en það var lykt af því. Mér fannst línan okkar reyna að stíga þær vel"

Lestu um leikinn: Valur 4 - 2 Stjarnan

Úlfa Dís Kreye Úlfarsdóttir var í algjörum sérflokki í fyrri hálfleik og upp á sitt einsdæmi snéri leiknum á hvolf. Hún skorar flott jöfnunarmark á 40. mínútu leiks með skalla en í kjölfarið skoraði hún það sem verður að teljast með betri mörkum sumarsins á 46. mínútu leiks þegar hún skrúfar boltanum af 25 metra færi alveg í bláhornið og kemur Stjörnunni yfir 2-1.

„Við vorum á besta stað, þetta er náttúrulega eitthvað sturlað og ekki einu sinni í fyrsta skipti sem maður sér Úlfu gera þetta. Hennar hæfileikar er ansi hreint magnaðir"

Valur reyndi fyrir tímabilið að kaupa Úlfu Dís Kreye Úlfarsdóttur fyrir tímabilið en því tilboði var umsvifalaust hafnað af Stjörnunni og hún einfaldlega ekki til sölu

„Úlfa er bara lykil leikmaður í okkar liði og ég held að það séu allir innan Stjörnunnar sem metur hana eins og hún á skilið"

Þorsteinn Halldórsson þjálfari íslenska landsliðsins var mættur á Hlíðarenda að fylgjast með leiknum og miðað við frammistöðu Úlfu Dísar í dag kæmi það ekki á óvart ef hún skyldi nú fá kallið á næstunni.

„Það getur alltaf gerst, Úlfa er að minna á sig og það er ekki hægt að líta framhjá henni endalaust þegar hún er að spila svona"

Viðtalið í heild má finna í spilaranum hér fyrir ofan.