Andri Ólafsson, þjálfari ÍBV, var sáttur með stig eftir erfiðan heimaleik við Fylki í Pepsi Max-deild kvenna í dag.
Karlina Miksone kom ÍBV yfir snemma leiks en gestirnir úr Árbæ sneru stöðunni við í síðari hálfleik. Karlina var aftur á ferð til að bjarga stigi á 73. mínútu og urðu lokatölur 2-2.
„Þetta var erfiður leikur. Ég er sáttur með stigið en við hefðum kannski getað klárað þetta með örlítið meiri fókus," sagði Andri Ólafsson, þjálfari ÍBV.
„Mér fannst dómarinn standa sig vel, þetta var erfiður leikur til að dæma. Við vorum snarvitlaus á hliðarlínunni, það voru tæklingar og það var mikið undir."
ÍBV er um miðja deild eftir leikinn, þremur stigum eftir Fylki sem er í þriðja sæti og með leik til góða.
„Við erum ekki enn búin að ná markmiði okkar sem er að gera betur en í fyrra."
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
