Mikael er uppalinn í Sandgerði og stundaði nám við Sandgerðisskóla áður en hann hélt svo út í atvinnumennsku.

Hann var í landsliðshópnum gegn Armeníu og Liechtenstein í þessum mánuði og eftir verkefnið ákvað hann að kíkja í heimsókn í gamla skólann.

Mikael birtist óvænt og kom færandi hendi með landsliðstreyjuna úr leiknum gegn Liechtenstein. Sandgerðisskóli birti frétt á heimasíðu sinni og fylgdi mynd með.

Leikmaðurinn heldur nú aftur til Danmerkur til AGF en liðið mætir Álaborg á mánudag í dönsku úrvalsdeildinni.