Við fáum sex leiki í dag til að kveðja þessa skemmtilegu fótboltahelgi sem er þó hvergi nærri að ljúka hér á Íslandi því það eru líka skemmtilegir leikir annað kvöld.
Í dag eru þrír leikir á dagskrá úr Bestu deild karla og tveir úr Lengjudeildinni auk eins úr 4. deild.
ÍBV tekur á móti FH í fallbaráttuslag á sama tíma og KA fær ÍA í heimsókn á Akureyri. Skagamenn verma botnsæti deildarinnar á meðan KA er á góðu skriði og freistar þess að ná öðru sætinu af Víkingi R., í það minnsta tímabundið.
Valur og Stjarnan takast svo á í lokaleik kvöldsins sem er jafnframt stórleikur helgarinnar í íslenska boltanum. Aðeins eitt stig skilur þessi öflugu lið að í fjórða og fimmta sæti.
Í Lengjudeildinni takast Grindavík og Kórdrengir á áður en Þór mætir HK í hörkuslag. HK stefnir beint aftur upp í efstu deild á meðan Þór virðist vera á góðri leið með að bjarga sér frá því sem hefði verið óvænt fall.
Besta-deild karla
16:00 ÍBV-FH (Hásteinsvöllur)
16:00 KA-ÍA (Greifavöllurinn)
19:15 Valur-Stjarnan (Origo völlurinn)
Lengjudeild karla
18:00 Grindavík-Kórdrengir (Grindavíkurvöllur)
18:00 Þór-HK (SaltPay-völlurinn)
4. deild karla - B-riðill
19:00 Afríka-KÁ (OnePlus völlurinn)
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |