Alex Bergmann Arnarsson hefur skrifað undir samning við Víking Reykjavík í Pepsi-Max deild karla en þetta fékkst staðfest í kvöld.
Alex er fæddur árið 1999 en hann er sonur Arnars Gunnlaugssonar sem er núverandi þjálfari Víkinga og fyrrum atvinnumaður.
Alex spilaði með Njarðvík síðasta sumar í 2. deildinni og kom þar við sögu í sjö leikjum. Hann var þar í láni frá Fram.
Alls hefur Alex spilað 24 meistaraflokksleiki á ferinum fyrir Njarðvík, Fram, Fjarðabyggð og Úlfana.
Varnarmaðurinn fagnaði 21 árs afmæli sínu þann 27. desember síðastliðinn og hefur nú samið við Víkinga.
Athugasemdir