Elliði og Árborg mættust á Würth-vellinum í Árbænum í úrslitaleik C-deildar í Fótbolta.net mótinu.

Jafnræði var með liðunum allt þar til á 84. mínútu þegar Pétur Óskarsson slapp einn í gegn og kom Elliða yfir.

Það var svo á 90.mínútu sem Elliði fékk vítarspyrnu og Óskar Arnarsson fór á punktinn og skoraði og lokatölur 2-0 fyrir Elliða.

,Mér fannst þetta ótrúlega jafnleikur. Árborg er með hörku lið og stóðu virkilega vel í okkur og leikurinn klárast í lokin."voru fyrstu viðbrögð Elmars Hjaltalín, þjálfara Elliða.

Elmar Örn Hjaltalín var ekki sáttur með spilamennsku sinna manna í kvöld þrátt fyrir 2-0 sigur.

„Ég er ekki sáttur með spilamennskuna, við spiluðum mun betur í hinum þremur leikjunum, en höldum hreinu og erum smá heppnir en náum að klára leikinn 2-0."

Hvað tekur Elmar jákvætt úr þessu móti?

„Leikmenn að fá leiki. Maður er að sjá nýja leikmenn og maður getur gefið þeim tækifæri og það er bara frábært."

Mun Elliði styrkja hópinn fyrir komandi Íslandsmót?

„Það ræðst bara. Við erum með þéttan hóp og þeir sem bætast þá inn í hann í viðbót, það eru þá leikmenn sem eru það góðir að það við getum ekki sagt nei við þá."

Viðtalið í heild sinni má sjá í sjónvarpinu hér að ofan.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit