Valur-Sheriff annað kvöld klukkan 19:00
Haukur Páll Sigurðsson fyrirliði Vals.
Valur mætir Sheriff frá Moldavíu annað kvöld í síðari leik liðanna í 3. umferð Evrópudeildarinnar.
„Þeir eru tæknilega góðir og með öflugt lið og það eru klárlega möguleikar. Við förum í þennan leik til að komast áfram, það er 100%," sagði Haukur Páll við Fótbolta.net eftir æfingu Vals í hádeginu í dag.
„Við munum alltaf skapa okkur færi í þessum leik og spila agaðan varnarleik, það er lykill. Við þurfum að taka sénsana okkar þegar við fáum þá."
Valur vann FC Santa Coloma 3-0 í síðari leiknum á Hlíðarenda eftir 1-0 tap úti. Haukur segir að skýr gæðamunur sé á Santa Coloma og Sheriff.
„Þetta er töluvert betra lið en liðið frá Andorra en staðan er sú sama. Við þurfum að hugsa betur um varnarleikinn en á móti því liði. Við erum klárir í þennan leik og ætlum okkur áfram. Til þess erum við í þessu."
Hér að ofan má sjá viðtalið í heild sinni.
Smelltu hér til að kaupa miða á leikinn
Athugasemdir
