Fótbolti.net

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

Gylfi vonast til að vera mættur til að vera í landsliðinu - „Vonandi sem lengst“

lau 20. september 2025 19:40

Sölvi Haraldsson

Fær kveðjuleik á Laugardalsvelli: Myndi gera ótrúlega mikið fyrir mig

Brynjar Kristmunds er kominn á Laugardalsvöllinn með Ólsarana.

Mynd: Fótbolti.net - Hafliði Breiðfjörð

„Ég er ótrúlega glaður. Þetta var magnaður bikarleikur. Hálf fúlt að ná ekki að klára þetta í venjulegum leiktíma. En við höfum fína reynslu af því, við fórum nánast í gegnum sama leik fyrir austan í 8-liða úrslitunum. Við höfðum alltaf trú á því að við myndum fara áfram. Smá þjáningar í framlengingunni. Svo er Jón Kristinn frábær vítabani og gerði þetta mjög vel.“ sagði Brynjar Kristmundsson, þjálfari Víkings Ólafsvíkur, eftir 3-3 jafntefli við Gróttu í dag en Ólsarar unnu í vítaspyrnukeppni og fara á Laugardalsvöll næsta föstudagskvöld.

Lestu um leikinn: Grótta 6 - 7 Víkingur Ó.

„Mér fannst við halda þeim lengur frá markinu okkar í venjulegum leiktíma en við gerðum í framlengingunni. Jón hélt okkur inn í leiknum og liðið kom sér einhvernveginn í gegnum þetta. Ótrúlega margar tilfinningar og við erum mjög sáttir að vera komnir í úrslitin.“

Mætingin að vestan var gífurlega góð og nánast fleiri Ólsarar mættir en Gróttumenn.

„Þetta var geðveikt og minnti mig á gamla tíma þegar maður var að spila með Víkingi í efstu deild. Gaman að sjá gömul andlit mæta aftur. Ég vona að það mæta ennþá fleiri og bærinn verði tómur næsta föstudagskvöld.“

Þetta er lokatímabil Brynjars með liðið, hversu mikið myndi það þýða fyrir hann að klára þetta á titli á Laugardalsvelli?

„Það myndi gera ótrúlega mikið fyrir mig. Ég náði ekki stóra markmiðinu mínu á þessum tíma með Víking sem var að komast upp en þetta yrði heldur betur fín sárabót ef maður getur hvatt félagið á góðum nótum.“

Tindastóll býður Ólsurum á Laugardalsvelli næsta föstudagskvöld. Hvernig líst Brynjari á þann mótherja?

„Ég horfði á leikinn hjá Tindastól í gær, bara hörkulið. Ég held að þeir séu búnir að slá út mjög góð lið í þessari keppni, Þrótt Vogum og KFG. Það er egnin tilviljun að þetta lið sé þarna. Við þurfum að undirbúa okkur vel, nú erum við komnir áfram. Við þurfum að setja þennan leik til hliðar og undirbúa okkur mjög vel fyrir leikinn því Tindastóll er virkilega gott lið og mjög orkumikið lið.“

Viðtalið við Brynjar má sjá í spilaranum hér að ofan.