Þessi 36 ára gamli miðvörður spilaði síðast tvo landsleiki í mars á síðasta ári gegn Grikklandi og Kósóvó.

Hann glímdi við erfið meiðsli hjá Real Madrid og svo á fyrsta tímabili sínu með Paris Saint-Germain og var því ekki klár í verkefnin með spænska landsliðinu.

Marca segir nú frá því að Ramos gæti snúið aftur í landsliðið í þessum mánuði en hann er á lista hjá Luis Enrique fyrir leikina gegn Sviss og Portúgal í lokasprettinum í Þjóðadeildinni.

Ramos hefur sloppið við meiðsli í byrjun leiktíðar og spilað tíu leiki fyrir PSG.