Lestu um leikinn: Keflavík 2 -  2 Stjarnan

Bæði lið höfðu verið á flottu skriði fyrir landsleikjahlé og mættu því með kassann út til leiks á HS Orku völlinn í Keflavík. Jafntefli varð niðurstaðan í frábærum leik.

„Stjarnan eru búnir að vera flottir í sumar og mjög sóknardjarft lið þannig það er skiljanlegt og við líka með mikil gæði innan okkar hóps. Mér finnst vera mikill stígandi í okkar leik og við erum bara með hörku lið. Keflavík finnst mér eiga heima í topp sex því við erum með hörku gott lið."

Adam Ægir átti hreint stórkostlegt mark í leiknum þegar hann tók boltann nánast viðstöðulaust og smellti honum fast í netið en hann segist aldrei hafa verið í vafa með að láta vaða af þessu færi.

„Nei alls ekki, ég tek eiginlega alltaf skotið ef það er í boði og það er kostir og gallar við það, en þetta var enginn vafi."