Arnór Sveinn Aðalsteinsson, leikmaður KR, lék sinn fyrsta leik í sumar gegn ÍA í gær.
Rúnar Kristinsson, þjálfari liðsins, var spurður út í Arnór í viðtali eftir leikinn í gær.
Rúnar Kristinsson, þjálfari liðsins, var spurður út í Arnór í viðtali eftir leikinn í gær.
Lestu um leikinn: KR 3 - 3 ÍA
„Það er frábært, við erum búnir að sakna hans inni á vellinum sem leiðtoga. Þeir sem hafa leyst hann af hólmi hafa spilað frábærlega og ég hef verið mjög ánægður með þá," sagði Rúnar.
„Arnór þarf að hafa fyrir því að komast í liðið aftur og gerir það. Hann bara fyrirliðabandið í dag og er traustur. Hann er mjög mikilvægur fyrir liðið sérstaklega þegar Pálmi er ekki leikfær í dag og þá þurfum við leiðtoga inná og hann kom gríðarlega sterkur inn í þetta."
Arnór ræddi sjálfur við mbl.is eftir leikinn.
„Líkaminn er bara mjög góður. Ég er búinn að vera í miklu basli með hælinn á mér og sinina þar á bak við, það er svona minn akkilesarhæll í sumar! En tilfinningin er góð og ég fann mikið þakklæti að fá að komast á völlinn aftur og mér finnst þetta ótrúlega gaman," sagði Arnór.
„Að vera í þessum hóp eru algjör forréttindi. Ég tók það svolítið með mér. Svo nýtir maður alltaf tímann líkamlega til að gera eitthvað annað og mér finnst ég vera í standi. Ég þarf núna að ná mér alveg, bæði í leikform og að ná fætinum alveg 100 prósent og þá er þetta bara upp á við myndi ég segja," sagði Arnór við mbl.is.
Athugasemdir