„Alexis er mikill atvinnumaður. Hann leggur mjög hart að sér. Hann er hluti af hópnum okkar og mjög góður leikmaður," sagði Ole Gunnar Solskjær, stjóri Manchester United, á fréttamannafundi í dag aðspurður út í Alexis Sanchez.

Sanchez hefur verið orðaður við brottför frá Manchester United en hann hefur einungis skorað fimm mörk síðan hann kom frá Arsenal í janúar 2018 og ekki spilað heilan leik með United í meira en ár.

Launakostnaður Sanchez getur farið upp í allt að 560 þúsund pund á viku með bónusgreiðslum en Solskjær reiknar ekki með því að hann sé á förum.

„Við höfum ekki mestan fjölda af leikmönnum í framlínunni og hann gæti endað á að spila mun fleiri leiki en þið haldið. Við reiknum með því að hann verði góður hjá okkur," sagði Solskjær en Sanchez er að vinna í að komast í form þessa dagana.

„Hann hefur bara æft í þrjár vikur og hann er ennþá smá á eftir. Við höfum spilað æfingaleiki fyrir luktum dyrum þar sem hann spilar og hann er að gera aðeins aukalega."

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit