Jón Sveinsson, þjálfari Fram.
Jón Sveinsson, þjálfari Fram, var að vonum svekktur eftir 1-3 tap gegn ÍBV í Bestu deildinni í dag.
Eyjamenn gengu frá leiknum í fyrri hálfleik en þeir voru þremur mörkum yfir þegar flautað var til leikhlés.
Eyjamenn gengu frá leiknum í fyrri hálfleik en þeir voru þremur mörkum yfir þegar flautað var til leikhlés.
Lestu um leikinn: Fram 1 - 3 ÍBV
„Við erum svekktir, sérstaklega með fyrri hálfleikinn. Við gerum of mikið af mistökum. Við áttum seinni hálfleikinn frá A til Ö og vorum kannski klaufar að skora ekki fleiri mörk," sagði Nonni.
„Við vorum aðeins að brasa inn á miðsvæðinu en við breyttum aðeins í seinni hálfleik og það virkaði ágætlega. Við stjórnuðum seinni hálfleik algjörlega en náðum ekki að skora nægilega mörg mörk til að fá eitthvað úr leiknum."
Alex Freyr Elísson var ekki með í dag. „Alex er bara meiddur. Hann er með liðbandameiðsli í ökkla. Við erum með nokkra menn frá í dag og þá er tækifæri fyrir aðra að stíga inn og stíga upp. Margir stóðu sig vel."
Það eru sögur um það að Alex gæti verið að fara í Breiðablik. „Nei, ekkert að frétta held ég. Eins og hefur komið fram þá hafa Blikarnir verið á eftir honum, en hann á enn eitt ár eftir af samningi við okkur. Á meðan að það er ekkert frágengið þá er hann okkar leikmaður. Maður hefði viljað nota hann í þessum fimm leikjum sem eru núna en því miður meiddist hann."
Fram hefur að engu að keppa í þessum síðustu leikjum en liðið er búið að tryggja sæti sitt í deildinni á næsta ári. Í viðtalinu hér að ofan ræðir Nonni meira um fyrirkomulagið á deildinni og hvernig mun ganga að gíra menn upp í síðustu tvo leikina.
Alex Freyr Elísson.
