„Sérstakt en það var allt í lagi," sagði Ari um hægri bakvarðarstöðuna. „Ég fékk að fara inn á völlinn og ekki halda breiddinni, en það er leiðinlegt að tapa."

„Ég er næstum því búinn að spila allar stöður nema framherja og markvörð, ég á það eftir."

Það er margt jákvætt hægt að taka úr leiknum gegn Belgíu.

„Já, eftir allt sem er búið að gerast hjá okkur. Við héldum einu besta liði heims í 0-0 í hálfleik, en þeir eru heimsklassa lið og því miður töpuðum við 2-0. Við eigum að horfa á ljósu punktana í þessu."

Það eru mikil meiðsli að hrjá íslenska liðið.

„Þetta er erfitt fyrir litla landið sem við erum en mér fannst strákarnir sem fengu sénsinn stíga upp. Það var gaman að sjá ungu strákana keppa við nautin í vörninni hjá Belgíu."

Hér að ofan má sjá viðtalið við Ara í heild sinni en þar ræðir hann meðal annars um stöðuna hjá félagi sínu, Lokeren í Belgíu.