Fótbolti.net

lau 18. maí 2019 15:27

Guðmundur Aðalsteinn Ásgeirsson

Þýskaland: Bayern München meistari sjöunda árið í röð

Þýsku úrvalsdeildinni var að ljúka og er Bayern München meistari sjöunda árið í röð.

Bayern byrjaði tímabilið brösulega og var Dortmund með forystuna lengi vel. En að lokum var það þýski risinn sem tekur Bundesligu-skjöldinn enn eitt árið.

Bayern þurfti stig gegn Eintracht Frankfurt í lokaumferðinni til að vinna mótið og gerðu lærisveinar Niko Kovac gott betur en það. Þeir unnu Frankfurt 5-1 í leik sem var sýndur í beinni á Fótbolta.net.

Kingsley Coman kom Bayern yfir eftir aðeins fjórar mínútur og var staðan 1-0 í hálfleik. Í upphafi seinni hálfleiks jafnaði Sebastian Haller fyrir gestina í Frankfurt en stuðningsmenn Bayern losnuðu fljótlega við stressið eftir það.

David Alaba og Renato Sanches komu Bayern fljótlega í 3-1 og Franck Ribery og Arjen Robben, sem eru að yfirgefa Bayern eftir tímabilið, skoruðu síðustu tvö mörkin.

Ribery goal ✅
Robben goal ✅

A fairytale ending in Munich. pic.twitter.com/7ovzMeJFL0
— FOX Soccer (@FOXSoccer) May 18, 2019

Dortmund gerði sitt og vann Borussia Mönchengladbach 2-0 en það var því miður ekki nóg fyrir þá gulu. Jadon Sancho og Marco Reus skoruðu mörk Dortmund.

Bayern á möguleika á því að vinna tvöfalt í Þýskalandi. Bayern mætir RB Leipzig í bikarúrslitum eftir viku.

Dortmund endar í öðru sæti og RB Leipzig í því þriðja. Það var Bayer Leverkusen sem tók síðasta Meistaradeildarsætið á undan Gladbach og Frankfurt. Leverkusen vann 5-1 sigur á Hertha Berlín í höfuðborginni.

Hannover og Nürnberg fara niður í B-deild og Stuttgart fer í umspil um sæti í úrvalsdeild á næsta tímabili. Augsburg, félag Alfreðs Finnbogasonar, tapaði 8-1 gegn Wolfsburg í lokaumferðinni og endar í 15. sæti. Alfreð lék ekki með í dag vegna meiðsla.

Aron Jóhannsson kom inn á og lék síðustu mínúturnar í 2-1 sigri Werder Bremen á RB Leipzig. Aron er að yfirgefa Werder Bremen. Gamla brýnið Claudio Pizarro skoraði sigurmark Werder í leiknum.

Hér að neðan má sjá úrslit og markaskorara dagsins. Neðst er svo stöðutaflan í deildinni. Það gæti tekið hana einhvern tíma að uppfæra sig.

Bayern 5 - 1 Eintracht Frankfurt
1-0 Kingsley Coman ('4 )
1-1 Sebastien Haller ('50 )
2-1 David Alaba ('53 )
3-1 Renato Sanches ('58 )
4-1 Franck Ribery ('72 )
5-1 Arjen Robben ('78 )

Schalke 04 0 - 0 Stuttgart

Borussia M. 0 - 2 Borussia D.
0-1 Jadon Sancho ('45 )
0-2 Marco Reus ('54 )

Hertha 1 - 5 Bayer
0-1 Kai Havertz ('28 )
1-1 Valentino Lazaro ('34 )
1-2 Lucas Alario ('38 )
1-3 Julian Brandt ('54 )
1-4 Lucas Alario ('72 )
1-5 Lucas Alario ('88 )

Werder 2 - 1 RB Leipzig
1-0 Milot Rashica ('35 , víti)
1-0 Bruma ('55 , Misnotað víti)
1-1 Nordi Mukiele ('86 )
2-1 Claudio Pizarro ('88 )

Freiburg 5 - 1 Nurnberg
1-0 Marco Terrazzino ('7 )
2-0 Luca Waldschmidt ('34 )
3-0 Nils Petersen ('53 )
4-0 Nils Petersen ('56 )
5-0 Vincenzo Grifo ('61 )
5-1 Eduard Lowen ('69 )

Mainz 4 - 2 Hoffenheim
0-1 Ishak Belfodil ('12 )
0-2 Andrej Kramaric ('34 )
1-2 Daniel Brosinski ('66 , víti)
2-2 Jean-Paul Boetius ('83 )
3-2 Jean-Philippe Mateta ('90 )
4-2 Jean-Paul Boetius ('90 )
Rautt spjald:Christoph Baumgartner, Hoffenheim ('41)

Wolfsburg 8 - 1 Augsburg
1-0 Wout Weghorst ('21 )
2-0 Wout Weghorst ('37 )
3-0 Robin Knoche ('41 )
4-0 Wout Weghorst ('55 )
5-0 Daniel Ginczek ('57 )
6-0 Elvis Rexhbecaj ('60 )
6-1 Julian Schieber ('82 )
7-1 Josip Brekalo ('85 )
8-1 Kevin Danso ('89 , sjálfsmark)

Fortuna Dusseldorf 2 - 1 Hannover
1-0 Rouwen Hennings ('56 )
2-0 Kenan Karaman ('61 )
2-1 Nicolai Muller ('78 )

		L	U	J	T	ms:	mf:	mun	Stig
1	Bayern	34	25	7	2	99	32	+67	82
2	Leverkusen	34	19	12	3	72	43	+29	69
3	Eintracht Frankfurt	34	17	9	8	68	46	+22	60
4	Dortmund	34	17	6	11	71	51	+20	57
5	Freiburg	34	16	7	11	49	53	-4	55
6	Mainz	34	14	10	10	55	43	+12	52
7	RB Leipzig	34	13	12	9	53	48	+5	51
8	Werder	34	14	9	11	54	57	-3	51
9	Stuttgart	34	14	8	12	64	53	+11	50
10	Gladbach	34	13	6	15	55	57	-2	45
11	Wolfsburg	34	11	10	13	56	54	+2	43
12	Augsburg	34	11	10	13	35	51	-16	43
13	Union Berlin	34	10	10	14	35	51	-16	40
14	St. Pauli	34	8	8	18	28	41	-13	32
15	Hoffenheim	34	7	11	16	46	68	-22	32
16	Heidenheim	34	8	5	21	37	64	-27	29
17	Holstein Kiel	34	6	7	21	49	80	-31	25
18	Bochum	34	6	7	21	33	67	-34	25