Skagamenn töpuðu sínum fjórða leik í röð í kvöld en þeir hafa ekki fagnað sigri í sex vikur. Þeir eru nú fjórum stigum fyrir ofan fallsæti og var Jóhannes Karl Guðjónsson, þjálfari liðsins, spurður út í hvort þeir litu svo á að þeir væru komnir í fallbaráttu?
„Þetta er ótrúlega jöfn deild, það er stutt upp og stutt niður. Það eina sem við erum að pæla í er næsti leikur og þar eru þrjú stig í boði," sagði Jóhannes við fjölmiðla eftir 3-1 tapið gegn Stjörnunni.
„Þetta er ótrúlega jöfn deild, það er stutt upp og stutt niður. Það eina sem við erum að pæla í er næsti leikur og þar eru þrjú stig í boði," sagði Jóhannes við fjölmiðla eftir 3-1 tapið gegn Stjörnunni.
Lestu um leikinn: Stjarnan 3 - 1 ÍA
„Við vissum að Stjarnan er með hörkugott lið, vel mannað og sterkir fram á við. Þeir eru með gæði og líkamlegan styrk sem við ætluðum að stoppa betur en við gerðum í dag. Við hleypum þeim á allt of auðveldan hátt í forystu í leiknum í upphafi seinni hálfleiks."
„Við höfum verið að glíma við hræringar í leikmannahópnum. Það hafa verið meiðsli og leikbönn. Það hefur oft á tíðum verið erfitt að stilla sig af, samt sem áður ætla ég ekki að nota það sem afsökun, því við hefðum getað varist mikið betur en við gerðum í kvöld."
Sjáðu viðtalið í heild sinni í sjónvarpinu hér að ofan.
Athugasemdir