Nigel Pearson
Mark Sykes leikmaður Bristol City í Championship deildinni fékk að líta rauða spjaldið fyrir að tækla Luke Freeman leikmann Luton í leik liðanna í Championship deildinni á þriðjudaginn.
Freeman brást illa við og hrinti Sykes. Það sauð uppúr og Sykes fékk að líta rauða spjaldið og Freeman fékk gult.
Nigel Pearson þjálfari Bristol var ekki sáttur með dómarateymið í leiknum og lét þá heyra það í viðtali eftir leikinn.
„Ef ég á að vera hreinskilinn þá íhugaði ég í fyrra og hef íhugað það aftur í ár að pakka saman og koma ekki nálægt þessari íþrótt aftur. Standardinn í dómgæslu hefur náð lágmarki að mínu mati," sagði Pearson.
Honum var refsað í desember í fyrra fyrir að gagnrýna dómgæslu og spurning hvort hann fái sekt aftur í þetta skiptið.
Athugasemdir
