Þessi 18 ára gamli brasilíski framherji var keyptur til Arsenal síðasta sumar frá frá Ituano í Brasilíu. Kaupverðið var um 6 milljónir punda.

Á þessu tímabili hefur hann gert átta mörk í 19 leikjum í öllum keppnum. Hann skoraði sitt annað úrvalsdeildarmark í gær er hann skoraði í 1-1 jafnteflinu gegn Sheffield United.

Pierre-Emerick Aubameyang er í leikbanni og tók því ekki þátt í leiknum gegn Sheffield United. Hann var á Twitter á meðan á leiknum stóð og hrósaði þar Martinelli.

„Gabi verður stórstjarna," skrifaði sóknarmaðurinn frá Gabon. „Ekki vegna marksins, heldur út af viðhorfi hans, orku og hugarfari."

Tíst Aubameyang er hér að neðan.