Manchester United var að tapa 2-0 gegn Liverpool í ensku úrvalsdeildinni.
Man Utd var án Marcus Rashford, Paul Pogba og Scott McTominay, þriggja lykilmanna, í leiknum.
Pogba og McTominay hafa verið að glíma við meiðsli núna í nokkurn tíma, en Rashford gat ekki tekið þátt í dag eftir að hafa farið meiddur af velli gegn Úlfunum í bikarnum í síðustu viku.
Ole Gunnar Solskjær, stjóri Man Utd, sagði fyrir leikinn gegn Liverpool að Rashford yrði frá í nokkrar vikur. Hinn virti íþróttafréttamaður Henry Winter segir frá því á Twitter að Rashford verði frá 2-3 mánuði.
Winter segir að Rashford hafi verið meiddur í baki í dágóðan tíma, en hann hafi spilað í gegnum sársaukann. Meiðslin hafi svo stigmagnast gegn Úlfunum.
Ökklameiðsli hafi líka verið að hrjá hann.
Jamie O'Hara, fyrrum leikmaður Tottenham, skrifar undir tíst Winter að hann hafi glímt við svipuð meiðsli eitt sinn. Hann skrifar: „Ég þurfti að fara í aðgerð og fá tvær skrúfur í bakið. Þú getur spilað með því að fá sprautur. Mjög lélegt hjá læknateymi Man Utd."
Rashford hefur verið frábær í liði Man Utd á þessu tímabili og ljóst að hans verður sárt saknað.
Rashford was carrying a single stress fracture in his back, now has a double stress fracture after Wolves game. Expected to be out for 2-3 months. Also has piece of floating bone in his ankle requiring non-intrusive surgery to remove. Been playing thru immense pain to help #mufc
— Henry Winter (@henrywinter) January 19, 2020
Athugasemdir