Pawel Cibicki.
Sænski fótboltamaðurinn Pawel Cibicki var á dögunum dæmdur af FIFA í fjögurra ára bann frá fótbolta.
Rannsókn hefur verið í gangi upp á síðkastið eftir að Cibicki var ásakaður um veðmálasvindl. Niðurstaða rannsóknarinnar var sú að Cibicki var sekur.
Rannsóknin var í tengslum við gult spjald sem leikmaðurinn fékk í leik með Elfsborg gegn Kalmar í sænsku úrvalsdeildinni.
Samkvæmt Reuters þá fékk leikmaðurinn greiðslu að andvirði rúmlega 4,2 milljóna íslenskra króna til að fá gult spjald í leiknum. Hann fékk svo sannarlega gult spjald í þeim leik.
Cibicki segist alltaf hafa verið saklaus í máli, en dómstóllinn var ekki sammála.
Þess má geta að Cibicki lék um tíma með Leeds á Englandi.
Athugasemdir
