England: Salford í séns og Jökull hélt hreinu - Dagný fremst hjá West Ham

Mynd: Getty Images

Dagný Brynjarsdóttir lék allan leikinn fyrir West Ham í ensku Ofurdeildinni í kvöld. Efsta deildin kvennamegin heitir Super League og skal ekki ruglast á því og þeirri Ofurdeild sem félög í Evrópu ætluðu sér að stofna.

West Ham gerði markalaust jafntefli á heimavelli gegn Aston Villa. Samkvæmt Flashscore spilaði Dagný sem fremsti leikmaður West Ham í leiknum. West Ham er í 9. sæti, tveimur stigum fyrir ofan neðstu tvö liðin sem eru Aston Villa og Bristol City. West Ham hefur leikið átján leiki á meðan flest lið hafa leikið nítján.

Í ensku C-deildinni tapaði Blackpool gegn Rochdale. Blackpool er í baráttu um umspilssæti í League One á meðan Rochdale er í fallsæti. Daníel Leó Grétarsson lék ekki með Blackpool vegna meiðsla.

Liðið er núna þremur stigum á undan Oxford og Portsmouth í baráttunni um síðasta umspilssætið og á leik til góða á Portsmouth og tvo á Oxford.

Í ensku D-deildnni hélt Jökull Andrésson hreinu gegn Forest Green. Flashscore er með skráðar fjórar vörslur í markinu hjá Exeter. Liðin eru bæði í baráttu um sæti í umspilssinu. FG er með 66 stig í 6. sætinu en Exeter er með 62 stig í 8. sætinu.

Í D-deildinni er Salford City, félagið sem er í eigu '92 árgangsins hjá Manchester United (Gary Neville og félaga), einnig með 62 stig. Liðið vann Walsall 0-2 á útivelli í dag. Stöðuna í C- og D- deildinni má sjá hér að neðan.

Jökull Andrésson

Stöðutafla

#	Lið	L	mun	Stig
1	Bradford	2	+3	6
2	Huddersfield	2	+3	4
3	Luton	2	+1	4
4	Cambridge United	2	+1	4
5	Oxford United	2	+1	4
6	Blackpool	2	+1	4
7	Burton	2	+1	4
8	Bromley	2	+1	4
9	Stockport	2	+1	3
10	Leyton Orient	2	+1	3
11	Mansfield Town	2	0	3
12	Sheff Wed	2	0	3
13	Peterboro	2	-1	3
14	MK Dons	2	0	2
15	Notts County	2	0	2
16	Wycombe	2	0	2
17	Reading	2	-1	1
18	Leicester	2	-1	1
19	Stevenage	2	-1	1
20	Doncaster Rovers	2	-1	1
21	Barnsley	2	-1	1
22	Plymouth	2	-2	1
23	Wimbledon	2	-3	1
24	Wigan	2	-3	0