Bragi Karl Bjarkason.
„Tilfinningin er bara geggjað. Þetta er ómetanlegur stuðningur sem við fáum," sagði Bragi Karl Bjarkason, leikmaður ÍR, eftir 3-1 sigur gegn Fjölni í Lengjudeildinni.
Bragi skoraði sigurmörkin í leiknum en leikmenn ÍR fögnuðu vel og innilega með stuðningsmönnum eftir leik. „Við erum ekki búnir að vera eins góðir og við hefðum viljað vera í sumar, en þeir hafa alltaf verið til staðar og það er geggjað. Það eru að myndast undir Ghetto Hooligans sem er geggjað að sjá."
Bragi skoraði sigurmörkin í leiknum en leikmenn ÍR fögnuðu vel og innilega með stuðningsmönnum eftir leik. „Við erum ekki búnir að vera eins góðir og við hefðum viljað vera í sumar, en þeir hafa alltaf verið til staðar og það er geggjað. Það eru að myndast undir Ghetto Hooligans sem er geggjað að sjá."
Lestu um leikinn: ÍR 3 - 1 Fjölnir
Þetta var fyrsti sigur ÍR frá því í fyrstu umferð gegn Keflavík, en hvað skóp þennan sigur?
„Ég held að það hafi verið baráttan. Við vorum lélegir í baráttunni í síðasta leik gegn Njarðvík en við vorum 'on' í því í dag. Mér fannst við vera betri."
Bragi, sem var markakóngur í 2. deild í fyrra, steig upp á stóru augnablikunum í þessum leik. Hann er að finna sig vel í Lengjudeildinni og er núna búinn að gera fimm mörk í átta leikjum.
„Grasið var erfitt og blautt. Ég náði að skora tvö í lokin sem var geggjað. Það er gaman að komast á blað aftur. Þetta er krefjandi deild og miklu erfiðara en við vorum að gera í fyrra. Mér finnst ég hafa náð að gera mína hluti. Ég er kominn með nokkur mörk sem er geggjað."
Bragi skoraði 21 mark í 22 leikjum í 2. deild í fyrra.
„Ég sagði fyrir tímabilið að mig langaði að skora tíu. Ég sagði það líka í fyrra. Það kemur í ljós hvað gerist. Ég náði því snemma í fyrra og vonandi næ ég því sem fyrst aftur núna."
Hægt er að sjá allt viðtalið í spilaranum hér að ofan en Bragi er spenntur fyrir framhaldinu.
Athugasemdir
