„Ég einstaklega ánægður, þetta var okkar fyrsti heimasigur. Við höfum verið góðar og frammistöðurnar hafa verið massívar og í dag vorum við einnig frábærar og fengum loksins það sem við eigum skilið. Ég gæti ekki verið stoltari af stelpunum, þær eru magnaðar." Segir John Andrews, þjálfari Víkings, eftir 2-1 sigur á Breiðablik í Bestu deild kvenna í kvöld. Víkingur er fyrsta liðið til að vinna Blikana í sumar.
Lestu um leikinn: Víkingur R. 2 - 1 Breiðablik
Lykillin að sigri Víkings í dag var ákefðin, orkan og baráttugleðin í liðinu. Klisjulegt að segja þetta en hugsanlega vildi Víkingur þetta bara meira.
„Þetta var blanda af þessum þáttum og svo bara gæðum. Við breyttum ákveðnum hlutum frá því gegn Tindastóli og þannig er fótboltinn. Þetta var frábært. Við leggjum okkur alltaf allar fram hérna á þessum velli. Við erum með bestu stúku landsins að mínu mati. Með þessi gæði í liðinu er yndislegt að horfa á þetta."
Fyrstu mínutur leiksins spiluðu Blikar óaðfinnanlega en svo gerist það að Agla María meiðist og þá taka Víkingar öll völd á vellinum.
„Hún er frábær leikmaður og maður vill aldrei sjá frabæra leikmenn meiðast. Við biðjum til guðs að það sé í lagi með hana. Auðvitað hafði þetta mikil áhrif. Þegar maður missir leikmann eins og Öglu þá mun það hafa áhrif á leikinn. Þetta er ekki eitthvað sem við eigum að pæla í, Nik verður að hafa áhyggjur af þessu. Okkar leikmann gerðu félagið stolt í dag."
