Er Declan Rice á leið til Chelsea?
Það hefur verið nokkuð um félagaskipti í ár þrátt fyrir Covid-19 faraldurinn sem hefur minnkað tekjur ýmissa knattspyrnufélaga verulega.
Nokkur stór skipti hafa gengið í gegn og má búast við nokkrum áhugaverðum félagaskiptum til viðbótar.
Vefsíðan Inside Sport hefur tekið saman líklegustu félagaskiptin sem eiga enn eftir að ganga í gegn og má sjá þau hér fyrir neðan.
Þar koma menn á borð við Declan Rice, Chris Smalling, Memphis Depay, Ivan Perisic og Arturo Vidal fyrir.
Tiemoue Bakayoko er á leið aftur til AC Milan frá Chelsea.
Marko Grujic er á leið frá Liverpool til Borussia Mönchengladbach.
Paulo Fonseca, þjálfari Roma, segir Chris Smalling vera efstan á blaði hjá sér.
Barcelona er að ganga frá kaupum á Memphis Depay frá Lyon.
Man Utd er að krækja í Ivan Perisic, vinstri kantmann Inter og króatíska landsliðsins.
Rauðu djöflarnir eru einnig að krækja í brasilíska vinstri bakvörðinn Alex Telles.
Arturo Vidal er á leið til Inter fyrir klink.
Edin Dzeko verður nýr sóknarmaður Juventus von bráðar.
Athugasemdir
